Një grua ka vdekur pas rënies në ujë nga “Ura e Moglicës” në Gjakovë, ka konfirmuar Policia e Kosovës.
Rasti ka ndodhur në mbrëmjen e së shtunës. Policia bashkë me zjarrfikësit dhe ekipet emergjente i kishin dhënë ndihmën e parë viktimës pas nxjerrjes nga uji, dhe më pas ajo ishte dërguar për trajtim të mëtejmë mjekësor.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMë vonë, nga spitali është bërë e ditur se gruaja ka vdekur.
“Rreth orës 19:55 jemi njoftuar se një grua në moshë madhore kishte rënë në ujë nga e ashtuquajtura “Ura e Moglicës”, në rrugën “Ymer Pula” në Gjakovë. Patrullat policore, së bashku me njësinë e zjarrfikësve dhe ekipin e emergjencës, kanë dalë menjëherë në vendin e ngjarjes, ku viktima ishte nxjerrë tashmë nga uji. Personeli mjekësor i ka ofruar ndihmën e parë dhe më pas ajo është dërguar për trajtim të mëtejshëm mjekësor. Rreth orës 21:30 jemi njoftuar nga spitali se gjendja shëndetësore e viktimës ishte përkeqësuar dhe ajo ka ndërruar jetë”, ka thënë për KOHËN zëdhënësi i Policisë për rajonin e Gjakovës, Sheremet Elezaj.
Ai ka shtuar se Policia po kryen hetimet për zbardhjen e plotë të rrethanave të ngjarjes.