Nënkryetarja e Komunës së Leposaviqit, Marina Bogojeviq,
Ajo dyshohet se ka sulmuar fizikisht një punonjëse që ka kërkuar vendim mbi largim nga puna.
Rasti ka ndodhur të mërkurën.
“Është arrestuar e dyshuara femër kosovare- zëvendës kryetare e komunës, pasi që dyshohet se në objektin e komunës, ka sulmuar fizikisht viktimën femër kosovare, e cila kishte kërkuar vendim mbi largimin nga puna”, thuhet në raportin 24-orësh të Policisë.
Me vendim të prokurorit, pas intervistimit palët janë liruar dhe rasti thuhet se shkon në procedurë të rregullt.
Rastin e ka konfirmuar edhe zëvendësdrejtori i Policisë për rajonin e Mitrovicës, Veton Elshani.
Ai ka thënë se rasti ka ndodhur në objektin e komunës së Leposaviq.
“Është intervistuar dhe më pas është liruar nënkryetarja e Leposaviqit, ku asaj i është hapur rast me dyshimet për sulm”, ka thënë Elshani. Sipas tij nënkryetarja dyshohet se ka sulmuar fizikisht një punëtore të komunës e cila kishte shkuar t’i kërkonte sqarime e dokumente për vendin e saj të punës.