Forca e Sigurisë së Kosovës të shtunën do të realizojë një stërvitje ushtarake në zonën e Gërmisë.
Komuna e Prishtinës ka njoftuar se gjatë kësaj periudhe do të ketë lëvizje të këmbësorisë dhe prani të pjesëtarëve të FSK-së në terren.
"Të dashur qytetarë. Ju njoftojmë se FSK - Forca e Sigurisë së Kosovës, bazuar në planin e saj të stërvitjeve, më 15 nëntor 2025 do të realizojë një stërvitje ushtarake, marshim kondicional në zonën e Gërmisë. Gjatë kësaj periudhe do të ketë lëvizje të këmbësorisë dhe prani të pjesëtarëve të FSK-së në terren. Ky aktivitet zhvillohet në kuadër të planit të rregullt stërvitor dhe nuk ka arsye për shqetësim. Faleminderit për mirëkuptimin!” – ka njoftuar Komuna e Prishtinës nëpërmjet një postimi në Facebook.