-
Nga:
Valbona Bytyqi
- 18 shkurt 2026 15:27
- Shpërndaje në:
Kryetarja e Kuvendit, Albulena Haxhiu, ka bërë të ditur se është në pritje të kandidaturave për të thirrur seancën për zgjedhjen e presidentit.
Në deklarimin e saj për media pas takimit që zhvilloi me kryetarët e komisioneve parlamentare, Haxhiu theksoi se sapo t’i ketë nënshkrimet nga kandidatët për president, do të veprojë në lidhje me thirrjen e seancës për zgjedhjen e tij.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Sapo t’i kem nënshkrimet nga kandidatët, do ta thërrasim seancën dhe do të procedojmë me të. Paraprakisht duhet të ketë takime”, deklaroi ajo, duke shtuar se, ndonëse sipas disa interpretimeve gjithçka duhet të përfundojë deri më 4 mars, ajo nuk mund të veprojë pa u plotësuar kushti i nënshkrimeve.
Haxhiu tutje njoftoi se është vendosur që takimet me kryetarët e komisioneve të jenë të rregullta, me synim rritjen e efikasitetit dhe shmangien e vonesave.
“Disa ligje janë të gatshme dhe u dakorduam që të vazhdojmë pa vonesa. Shembujt e kaluar kur projektligjet kanë mbetur për vite në komisionet parlamentare duhet të marrin fund”, theksoi Haxhiu.
Në fokus të diskutimit ishte edhe plotësimi i pozitave që varen nga Kuvendi.
Sipas saj, janë 36 vende që duhet të plotësohen, ndërsa 14 prej tyre kërkojnë inicim të drejtpërdrejtë nga Kuvendi.