Lushtaku mbrohet në heshtje në rastin ku bashkë me 7 të tjerë akuzohet për “krim të organizuar”

Kryetari i Skenderajt, Sami Lushtaku, si dhe Ismet Haxha, Rrusten Rukolli, Rexhep Xhota, Fatmir Mjaku, Skender Tahiri, Bajram Dibrani e Sheremet Jashari janë paraqitur në Gjykatë në rastin ku ata akuzohen për veprën penale për krim të organizuar e frikësim të dy dëshmitarëve të mbrojtur në rastin “Drenica 1”.

Lashtaku në seancën e së premtes është deklaruar se do të mbrohet në heshtje.

Edhe Rukolli, Mjaku e Tahiri janë mbrojtur në heshtje. 

Ndërsa Rexhep Xhota ka thënë se e ka lexuar aktakuzën dhe se nuk qëndrojnë ato që janë shkruar në aktakuze.

Prokuroria pretendon se ata, si grup kriminal, kanë kryer veprat penale: “Pengim të dëshmisë apo procedurës zyrtare” dhe “Frikësim gjatë procedurës zyrtare”, nga qershori i 2013-tës deri në shtator të 2015-tës, duke i detyruar dy dëshmitarë që t’i ndryshojnë dëshmitë e tyre në rastin “Drenica”. 

Edhe LAJMET E MBRËMJES 4 muaj më parë Rinis gjykimi ndaj Lushtakut e të tjerëve për frikësim të dëshmitarëve në rastin “Drenica”

Akuzat në rastin “Drenica” lidhen me keqtrajtim të civilëve në Likoc gjatë luftës. Për të tashmë janë dënuar disa persona.

Që të gjithë në seancat e mëhershme janë deklaruar të pafajshëm.