Politikani nga Lugina e Preshevës, Ragmi Mustafi, ka thënë se e ka fshirë grafitin ku shkruhej emri i kriminelit Ratko Mladiqi në qendër të Bujanocit.
Përmes një postimi në Facebook ka thënë se nuk mund të qëndronte i heshtur, ani pse institucionet heshtën.
“Nuk munda ta shikoj i heshtur. Në qendër të Bujanocit, aty ku kalojnë fëmijët tanë, ishte shkruar me të kuqe emri i kriminelit luftës që urdhëroi masakrën e Srebrenicës- " РАТКО МЛАДИЋ" me simbolet nacionaliste me katër ‘C’. Institucionet heshtën. Policia heshti. Edhe ata që flasin për “multietnicitet” – heshtën. Unë nuk munda. Shkova bashkë me djalin tim Lisarin dhe e fshiva publikisht. Jo për vete. Për fëmijët e këtij qyteti. Për ata që u vranë. Për ata që ende kanë nevojë për drejtësi. Për ata që nuk guxojnë më të flasin, por që nuk janë pajtuar kurrë. Fshim një emër. Por edhe një turp”, ka shkruar ai.
-
Në Bujanoc sërish shfaqen grafite me emër të kriminelit të luftës Ratko Mladiq
-
Në Bujanoc shfaqen grafite me emër të kriminelit të luftës Ratko Mladiq, reagojnë politikanët shqiptarë
-
31 vjet nga gjenocidi në Srebrenicë, mbi 1000 persona mbeten ende të zhdukur
- Një regjim në këmbë për një kriminel lufte
-
Krimineli Mladiq kërkon lirim të menjëhershëm sepse “po i afrohet fundit të jetës”