Ka përfunduar numërimi i 5182 kuti votimi nga 5225 (99.12%) që janë në të gjithë Shqipërinë, 43 kutitë e fundit po numërohen.
Sipas shifrave zyrtare të raportuara nga Komisioni Qendror i Zgjedhjeve, votat në çdo qark të përkthyera në mandate, japin një tablo ku Partia Socialiste kryeson thellë me numër mandatesh.
Kështu socialistët kanë marrë tjetër mandat në Vlorë duke shkuar në 83 mandate, ku rezultatin më të mirë e kanë në Tiranë, Fier, Durrës, Elbasan dhe Vlorë.
Koalicioni i kryesuar nga Partia Demokratike i kanë ikur dy mandate në pak minuta, ai i Vlorës dhe një në Tiranë që ia mori partia Mundësia e Agron Shehajt. Pra PD ka 50 mandate ndërsa Mundësia 2 mandate.
Sa i përket partive të tjera, PSD-ja e Tom Doshit është forcë e tretë politike në Kuvend me 3 mandate, koalicioni “Nisma Shqipëria bëhet” ka 1 mandat, ndërkohë Lëvizja Bashkë 1 mandat.
Numërohen 97% e kutive, PS e para me 82 mandate, PD 52
Janë numëruar 5065 kuti votimi nga 5225 që janë në të gjithë Shqipërinë.
Sipas shifrave zyrtare të raportuara nga Komisioni Qendror i Zgjedhjeve, votat në çdo qark të përkthyera në mandate, Partia Socialiste kryeson thellë me numër mandatesh.
Kështu socialistët kanë deri tani 82 mandate, ku rezultatin më të mirë e kanë në Tiranë, Fier, Durrës dhe Elbasan.
Koalicioni i kryesuar nga Partia Demokratike ka 52 mandate.
Sa i përket partive të reja, PSD-ja e Tom Doshit është forcë e tretë politike në Kuvend me 3 mandate, koalicioni “Nisma Shqipëria bëhet” ka 1 mandat, ndërkohë Lëvizja Bashkë 1 mandat.
Deri tani PS prin me mbi 236 mijë vota para.
Numërohen mbi 93 për qind e kutive në Shqipëri, Rama bën i vetëm qeverinë
Partia Socialiste e Edi Ramës ka marrë mbi 52 për qind të votave nga zgjedhjet e 11 majit në Shqipëri, pas numërimit të më shumë se 93 për qind të kutive të votimit.
Sipas shifrave zyrtare të Komisionit Qendror të Zgjedhjeve, PS-ja ka siguruar 82 ulëse në Kuvendin me 140 deputetë.
Rezultatin më të mirë kjo parti e ka marrë në Tiranë, Fier, Durrës dhe Elbasan.
Koalicioni i kryesuar nga Partia Demokratike ka rënë në 51 mandate, ndërsa Partia Mundësia e Agron Shehajt e ka marrë një mandat në Qarkun e Tiranës.
PSD-ja e Tom Doshit ka marrë tri ulëse, ndërsa koalicioni “Nisma Shqipëria bëhet” dhe Lëvizja Bashkë kanë marrë nga një mandat.
Edi Rama dhe Partia Socialiste janë në pushtet që nga viti 2013.
