Prishtina 1:0 Ballkani
Ferizaj 1:0 Drenica
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoFerizaj fiton derbin e mbijetesës ndaj Drenicës
Ferizaj e ka fituar derbin e mbijetesës ndaj Drenicës.
Dhe me fitoren e arritur 1:0 të shtunën në terrenin me bar sintetik në Ferizaj, ferizajasit bëjnë hap të madh drejt mbijetesës.
Ferizaj tani ngjitet në pozitën e shtatë me 32 pikë, një më shumë se Llapi i vendit të tetë. Drenica mbetet në pozitën e nëntë, përkatësisht të parafundit, me 28 pikë.
“Kuqezinjtë” në fakt e humbën ndeshjen, të cilën ishin fare pranë ta fitonin.
Igball Jashari shënoi për Drenicën gol të bukur dhe festa te “kuqezinjtë” ishte e madhe. Por, goli i Jasharit në minutën e 71-të u anulua. Pas rishikimit të situatës në VAR, u pa se gjatë ndërtimit të aksionit pati pozitë jashtë loje.
Ndeshja nisi dhe menjëherë në minutën e 73-të, Ferizaj kaloi në epërsi.
Goli u pranua, ndërsa festa nga tifozët vendës ishte e madhe. Golin e fitores 1:0 e shënoi Ade Oguns.
Mysafirëve madje iu vështirësuan punët prej minutës së 77-të, kur direkt me të kuq nga gjyqtari Valon Bajgora, u përjashtua qendërmbrojtësi brazilian, Christian Da Silva.
Deri në fund të ballafaqimit, të dyja ekipet kishin raste tjera për të realizuar gol, por një gjë e tillë nuk ndodhi.
Për Ferizajn e trajnerit Nevil Dede ishte fitorja e tretë rresht në Superligë, pas triumfit ndaj Prishtinës dhe Malishevës.
Ndërkohë, Drenica e trajnerit Thomas Brdariq, pësoi humbje pas dy fitoreve rresht ndaj Gjilanit dhe Malishevës.
Ahmeti e vendos derbin për kreun e tabelës
Talenti 17-vjeçar, Rin Ahmeti, e ka vendosur kryendeshjen e xhiros së 26-të të elitës së futbollit kosovar mes Prishtinës dhe Ballkanit.
Ahmeti, shtatë minuta para fundit, pranoi top në zonë dhe bukur e plasoi topin në rrjetë. Ishte goli që e vendosi sfidën që u zhvillua të shtunën gjatë ditës në Kampin Nacional të FFK-së në Hajvali.
Prishtina fitoi 1:0 dhe tani i ka 41 pikë në vendin e tretë, katër më pak se Ballkani dhe Drita që janë lidere. Drita e ka një ndeshje më pak të luajtur. Kampionia e Kosovës të dielën luan në udhëtim ndaj Gjilanit.
Prishtina në këtë ndeshje u udhëhoq për herë të parë nga trajneri Alban Dragusha. Tekniku 44-vjeçar e mori drejtimin e skuadrës ditë më parë dhe debutoi me sukses.
Për Prishtinën ishte fitorja e parë pas pesë ndeshjeve.
Pas humbjes nga Ferizaj në xhiron e kaluar 3:0, dorëheqje nga posti i trajnerit te Prishtina dha trajneri Afrim Tovërlani. Tovërlani kishte tri humbje e dy barazime në pesë ndeshjet e fundit, kurse fitorja e fundit në Superligë e tij me Prishtinën ishte më 15 shkurt.
Ahmeti shënon gol në derbi
Talenti i Prishtinës, Rin Ahmeti, e ka kaluar në epërsi Prishtinën në derbin ndaj Ballkanit.
17-vjeçari shënoi në minutën e 83-të.
Geralb Ismajli e humbi topin në mesfushë, ndërsa nga situata e krijuar më pas përfitoi Ahmeti që e plasoi bukur topin në rrjetë.
Drenica mbetet me një futbollist më pak
Drenicës i janë vështirësuar punët në ndeshjen me Ferizajn.
Qendërmbrojtësi brazilian i “kuqezinjve”, Christian Da Silva, u përjashtua direkt nga loja me të kuq nga gjyqtari Valon Bajgora, në minutën e 77-të.
Ferizaj në epërsi në ndeshjen dramatike
Igball Jashari shënoi për Drenicën ndaj Ferizajt gol të bukur dhe festa te “kuqezinjtë” ishte e madhe.
Por, goli i Jasharit në minutën e 71-të u anulua. Pas rishikimit të situatës në VAR, u pa se gjatë ndërtimit të aksionit pati pozitë jashtë loje.
Ndeshja nisi dhe menjëherë në minutën e 73-të, Ferizaj kaloi në epërsi.
Goli u pranua, ndërsa festa nga tifozët vendës ishte e madhe.
Për 1:0 në të mirë të Ferizajt shënoi Ade Oguns.
Nuk ka gola në derbi në pjesën e parë
Pjesa e parë e derbit të xhiros së 26-të të elitës së futbollit kosovar ndërmjet Prishtinës dhe Ballkanit , është mbyllur pa gola.
Është ndeshje e vlefshme për kreun e tabelës, ndërsa po luhet në Kampin Nacional të FFK-së në Hajvali.
Të dyja skuadrat i patën disa mundësi të mira shënimi, por portat mbetën të paprekura.
Në krye të skuadrës së Prishtinës është trajneri i ri, Alban Dragusha.
Dragusha e zëvendësoi ditë më parë Afrim Tovërlanin, që dha dorëheqje pas disfatës nga 3:0 Ferizaj në fundajvën e kaluar.
Pa gola në Ferizaj pas pjesës së parë
Pjesa e parë e ndeshjes Ferizaj – Drenica është mbyllur pa gola, ndërsa po zhvillohet në terrenin me bar sintetik në Ferizaj.
Kjo ndeshje i takon xhiros së 26-të të elitës së futbollit kosovar.
Drenica në disa raste u shpëtua nga portieri Kenan Haxhihamza, i cili u shqua me pritje shumë të mira.