Mot me vranësira të dendura, reshje shiu të shoqëruara me shkarkime rrufesh e me mundësi edhe për stuhi të shkurtra me breshër do të mbizotërojë të shtunën e 30 gushtit në Kosovë, ka paralajmëruar Instituti Hidrometeorologjik.
Sipas njoftimit të së premtes, temperaturat do të shënojnë luhatje edhe të dielën.
Të shtunën parashihet të mbajë mot i vranët dhe me intervale kohore me diell. Vranësirat, kryesisht në pjesën e dytë të ditës, pritet të dendësohen dhe si rezultat i ndryshimeve të fushave barike, parashihen reshje shiu të shoqëruara me shkarkime rrufesh. Në zona të kufizuara parashihen stuhi me breshër. Temperaturat minimale do të lëvizin ndërmjet 12-17°C, ndërsa ato maksimale pritet të jenë ndërmjet 27-30°C.
E të dielën moti do të jetë me diell dhe pjesërisht i vranët. Ekzistojnë mundësi të vogla që në disa zona të ketë riga lokale shiu. Temperaturat minimale do të lëvizin ndërmjet 11-14°C, ndërsa ato maksimale ndërmjet 22-26°C.