Kirurgu Hysen Mazrekaj ka vdekur, ka njoftuar të enjten Spitali i Përgjithshëm i Pejës.
Sipas njoftimit, Mazrekaj ka shërbyer për dekada në këtë spital.
Mbledhja komemorative për doktorin tashmë të ndjerë do të mbahet të premten nga ora 12:00 në Spitalin e Pejës.
“Me pikëllim morëm lajmin për vdekjen e Dr. Hysen Mazrekaj - Kirurgut të mirënjohur që për dekada ka shërbyer për pacientët e Spitalit të Përgjithshëm në Pejë. Mbledhja komemorative për të ndjerin mbahet nesër në ora 12 në Spitalin e Përgjithshëm në Pejë. Spitali i Përgjithshëm në Pejë shpreh ngushëllimet më të sinqerta familjes Mazrekaj”, thuhet në njoftim.
