Dardan Berisha është shpallur basketbollisti më i mirë i vitit. Këtë çmim e ka ndarë të premten mbrëma Federata e Basketbollit e Kosovës. Berisha është pjesë e GO+Pejës. Është prej lojtarëve më të dalluar te skuadra pejane.
Ndërsa basketbollistja më e mirë e vitit është shpallur Malvina Haziri.
Haziri luan për skuadrën, Washington State Cougars.
Ndërsa çmimi i klubit më të mirë të vitit i ka takuar Trepçës. Trepça është kampione në fuqi e Kosovës. Po ashtu klubi nga Mitrovica është fitues në fuqi i Kupës së Kosovës.
Ndërkoha klubi më i mirë te femrat është shpallur KBF Bashkimi. Basketbollistet e Bashkimit janë kampione të fuqi të Superligës së Kosovës.
Ndërsa trajneri më i mirë i vitit është shpallur Bujar Loci. Loci e drejton skuadrën e Rahovecit 029.