-
Përktheu:
Ideal Zhubi
- 6 qershor 2025 11:45
- Shpërndaje në:
Bashkimi Evropian do të vazhdojë ta mbështesë Gjykatën Ndërkombëtare Penale (GJNP), ka thënë të premten presidenti i Këshillit Evropian, Antonio Costa, përkundër vendimit të administratës së presidentit amerikan, Donald Trump, për të sanksionuar katër gjyqtarë nga radhët e GJNP.
Sipas Costas, gjykata është “gurthemel i drejtësisë ndërkombëtare” dhe se pavarësia e integriteti i saj duhet të mbrohen me çdo kusht, ka raportuar Reuters.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKëto komente të zyrtarit të lartë evropian, janë bërë një ditë pasi Washingtoni zyrtar vendosi sanksione ndaj katër gjyqtareve të GJNP-së, si hakmarrje ndaj vendimit të trupit ndërkombëtar gjyqësor për të lëshuar urdhërarrest për kryeministrin izraelit, Benjamin Netanyahu, si dhe një vendimi të mëparshëm për të hapur hetimet lidhur me krimet e supozuara të luftës nga trupat amerikane në Afganistan.
Urdhri përfshin emrat e gjyqtareve si Solomy Balungi Bossa nga Uganda, Luz del Carmen Ibanez Carranza nga Peruja, Reine Adelaide Sophie Alapini Gansou nga Benini dhe Beti Hohler nga Sllovenia.
Sekretari amerikan i Shtetit, Marco Rubio, kishte deklaruar se këta gjyqtarë “janë përfshirë aktivisht në veprime të paligjshme dhe të pabazuara të GJNP-së, që synojnë Amerikën ose aleatin tonë të ngushtë Izraelin”.