Delegacioni amerikan ka mbërritur në kryeqytetin pakistanez, disa orë pas homologëve të tyre iranianë, për bisedimet për paqen në Iran. Pushtimi dhe bombardimi i Libanit nga Izraeli e ka vënë armëpushimin dhe bisedimet e sotme nën presion, me Iranin që mbylli Ngushticën e Hormuzit në shenjë hakmarrjeje. Presidenti amerikan njoftoi se i kishte thënë Izraelit të ulte sulmet në Liban.
Këtu lexoni të rejat nga zhvillimet rreth bisedimeve për ndaljen e luftës në Iran
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPlanet bërthamore dhe Ngushtica e Hormuzit – në çka do të fokusohen bisedimet
Photo: Associated Press
Nëse gjithçka do të shkojë sipas planit, bisedimet e paqes do të fillojnë të shtunën, 11 prill, mes Iranit dhe SHBA-së në Pakistan.
Ekzistojnë shumë pengesa për t’u kapërcyer nëse këto negociata do të jenë të suksesshme, shkruan SkyNeës.
Delegacioni i Iranit ka prezantuar një propozim 10-pikësh. Sipas tij, ky propozim përfshin tërheqjen e forcave amerikane nga rajoni, kontrollin iranian mbi Ngushticën e Hormuzit, kompensimin e dëmeve ndaj Iranit, heqjen e sanksioneve, lirimin e aseteve të ngrira iraniane, përkushtimin e Iranit për të mos krijuar armë bërthamore, pranimin e të drejtës së Iranit për pasurimin e uraniumit, marrëveshjen për traktate të paqes së Iranit me shtetet rajonale, pushimin e armiqësive ndaj secilit grup në rajon, si dhe përfshin dispozitat e mbështetura nga rezoluta e OKB-së.
Ky ishte vetëm ajo që Irani tha se ishte propozimi i tij. Megjithatë, Izraeli ka prezantuar një propozim tjetër që pretendon se është ai që e ka pranuar nga Irani.
Në planin e paraqitur nga Izraeli përfshihet shkatërrimi i kapaciteteve bërthamore të Iranit, përkushtimi i Iranit që kurrë të mos krijojë armë bërthamore, ndalimin e pasurimit të uraniumit, i gjithë materiali i pasuruar duhet të dorëzohet, objektet bërthamore ekzistuese duhet të shkatërrohen, Irani do të tërhiqet nga modeli i mbështetjes së grupeve militante në rajon, Irani të ndalojë financimin e grupeve, Ngushtica e Hormuzit do të jetë e hapur, Irani do të kufizojë numrin e raketave, raketat do t’i përdorë vetëm për vetëmbrojtje, sanksionet mbi Iranit do të hiqen, Irani do të zhvillojë program civil të energjisë bërthamore, etj.
Në planet e paraqitura nëpër media dallimi ekziston te pika ku Irani kërkon pasurimin e uraniumit, ndërsa SHBA-ja e ka hequr nga lista edhe si mundësi një gjë të tillë.
Bisedimet e kaluara janë fokusuar në programin bërthamor dhe raketor të Iranit, por kjo është lënë në hije tash për shkak të mbylljes së Ngushticës së Hormuzit nga Irani.
Ministrat e Pakistanit presin delegacionin amerikan
Ministria e Punëve të Jashtme e Pakistanit ka njoftuar se ministri i Jashtëm Ishaq Dar, Shefi i Ushtrisë, Feldmarshal Asim Munir dhe ministri i Brendshëm Mohsin Naqvi pritën të shtunën delegacionin amerikan të udhëhequr nga zëvendëspresidenti i SHBA-së, JD Vance.
Ministria ka theksuar në një deklaratë se Dar përgëzoi angazhimin e SHBA-së për arritjen e paqes dhe stabilitetit të qëndrueshëm rajonal dhe global.
Ai shprehu shpresën se palët do të angazhohen në mënyrë konstruktive dhe përsëriti dëshirën e Pakistanit për të vazhduar lehtësimin e përpjekjeve drejt një zgjidhjeje të qëndrueshme.