Irani paralajmëron zbulimin së shpejti të dokumenteve të ndjeshme izraelite

Dokumentet e ndjeshme izraelite të marra nga Teherani duhet të zbulohen së shpejti, ka thënë ministri i iranian i Inteligjencës, Esmail Khatib për televizionin shtetëror të dielën, duke i përshkruar ato si një "thesar" që do të forcojë aftësitë ofensive të Iranit.

Media shtetërore iraniane ka raportuar të shtunën se agjencitë iraniane të inteligjencës kishin marrë një sasi të madhe dokumentesh të ndjeshme izraelite. Khatib ka thënë se këto lidheshin me objektet bërthamore të Izraelit dhe marrëdhëniet e tij me Shtetet e Bashkuara, Evropën dhe vendet e tjera, si dhe me aftësitë e tij mbrojtëse, raporton The Guardian. 

Nuk është e qartë nëse shkelja e informacionit është e lidhur me një hakim të raportuar.

"Transferimi i këtij thesari ishte kohë-humbës dhe kërkonte masa sigurie. Natyrisht, metodat e transferimit do të mbeten konfidenciale, por dokumentet duhet të zbulohen së shpejti", ka thënë Khatib, duke shtuar se për sa i përket vëllimit, "të flasësh për mijëra dokumente do të ishte një nënvlerësim". 

Në vitin 2018, kryeministri izraelit, Benjamin Netanyahu, ka thënë se agjentët izraelitë kishin sekuestruar një "arkiv" të madh dokumentesh iraniane që tregonin se Teherani kishte bërë më shumë punë bërthamore sesa dihej më parë.

Presidenti i SHBA-së, Donald Trump, ka kërcënuar të bombardojë Iranin nëse Teherani nuk arrin një marrëveshje me Uashingtonin mbi programin e tij bërthamor. Por, në prill, Trumpi thuhet se ka bllokuar një sulm të planifikuar izraelit ndaj centraleve bërthamore iraniane në favor të negocimit të një marrëveshjeje me Teheranin.

Fuqitë perëndimore thonë se Irani po rafinon uraniumin në një shkallë të lartë të pastërtisë së zbërthyeshme afër nivelit të përshtatshëm për karburantin e bombës atomike. Irani ka mohuar prej kohësh se kërkon armë bërthamore.