Irani pretendon se ka marrë një përgjigje nga Shtetet e Bashkuara për propozimin e tij më të fundit për paqe, kanë bërë të ditur mediat iraniane.
Zëdhënësi i ministrisë së jashtme të Iranit tha se përgjigjja – e cila u dorëzua përmes Pakistanit – tani po shqyrtohet, transmeton agjencia Tasnim.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSHBA-ja ende nuk ka konfirmuar se i është përgjigjur Teheranit. Të shtunën, presidenti amerikan Donald Trump tha se “së shpejti do ta shqyrtojë planin që Irani sapo na ka dërguar, por nuk mund ta imagjinoj që do të jetë i pranueshëm”.
Mediat shtetërore iraniane thanë se plani me 14 pika i Teheranit kërkonte që Washingtoni t’i tërhiqte forcat e tij nga afër kufijve të Iranit, të përfundonte bllokadën detare të porteve iraniane dhe që të gjitha armiqësitë – përfshirë ofensivën e Izraelit në Liban – të ndalonin.
Ai gjithashtu kërkonte që një marrëveshje mes dy vendeve të arrihej brenda 30 ditëve.
Mediat shtetërore iraniane shtuan se propozimi u bënte thirrje dy palëve ndërluftuese të fokusoheshin në “përfundimin e luftës” në vend që të zgjatnin një armëpushim aktual.
Duke iu referuar propozimit, Trump shkroi në një postim në Truth Social vonë të shtunën: “Ata ende nuk kanë paguar një çmim mjaftueshëm të madh për atë që i kanë bërë Njerëzimit dhe Botës gjatë 47 vjetëve të fundit”.