Kandidati për president të Kolumbisë është qëlluar gjatë një aktiviteti të fushatës në Bogota.
Sipas mediave ai është qëlluar tri herë – dy herë në kokë.
Miguel Uribe Turbay, 39 vjeç, u sulmua ndërsa po i drejtohej një turme të vogël njerëzish në një park të shtunën. Policia arrestoi një të dyshuar 15-vjeçar në vendngjarje, thonë mediat lokale.
Gruaja e Uribes, Maria Claudia Tarazona, i bëri thirrje kombit të lutet për mbijetesën e tij. “Miguel aktualisht po lufton për jetën e tij. Le t'i lutemi Zotit”, ka thënë ajo.
Partia “Centro Democratico” e Uribes e ka dënuar sulmin duke thënë se e cenon demokracinë dhe lirinë në Kolumbi, shkruan BBC.
Pamjet tregojnë momentin kur ai u qëllua në kokë në mes të fjalimit.
VIDEO (KUJDES PAMJE TË RËNDA):
Shocking video of the exact moment the attack against Senator and presidential candidate Miguel Uribe Turbay
WHO IS THE WOMAN WHO INSTRUCTED THE MEMBER OF PETRO'S FRONT LINE TO ATTACK MIGUEL URIBE'S LIFE? #URGENTE #COLOMBIA#MiguelUribe pic.twitter.com/aszjFaKfN1— Sumit (@SumitHansd) June 8, 2025
🇨🇴⚠️Opositores a #MiguelUribeTurbay ha pretendido manejar la teoría de un autoatentado…
Aquí se ve claramente el momento en que el sicario de 15 años le dispara al aspirante a la presidencia y como momentos antes estaba en coordinación combina señora mayor.
¿Qué opinas?… pic.twitter.com/SGtM1elR8g— Víctor Cabrera (@victorcabreramx) June 8, 2025
Mjekët kanë thënë se ai u qëllua dy herë në kokë dhe një herë në këmbë. Ai është dërguar në klinikën Santa Fe derisa mbështetësit e tij janë mbledhur afër spitalit.
Uribe e ka shpallur kandidaturën e tij për president në tetor të vitit të kaluar.
Ai është nga një familje e njohur në Kolumbi e cila është marrë me politikë.
Nëna e Miguel, Diana Consuelo Turbay Quintero, është vrarë kur ajo ishte 41 vjeç. Ajo ishte një gazetare e vrarë nga karteli i drogës Medellin në Kolumbi dhe vdiq pasi një përpjekje për ta shpëtuar shkoi keq.
Historia ishte subjekt i librit jo-fiktiv të vitit 1996 të romancierit të shquar kolumbian Gabriel Garcia Marquez, "News of Kidnapping". Ajo u portretizua gjithashtu në serialin “Narcos” të Netflix në vitin 2015.
Ndërkaq, gjyshi i tij, Julio César Turbay Ayala ishte një avokat dhe politikan kolumbian i cili ka shërbyer si presidenti i 25-të i Kolumbisë nga viti 1978 deri në vitin 1982.
