Katër të vdekur nga stuhitë që goditën Teksasin

Stuhitë kanë lënë katër të vdekur dhe kanë ndërprerë energjinë elektrike për miliona njerëz dhe biznese në jug-lindje të Teksasit të enten vonë.

"Kemi një stuhi me erëra 100 mph, ekuivalente me uraganin Ike dhe dëme të konsiderueshme në qendër të qytetit”, ka thënë kryetari i bashkisë së Hjustonit, John Whitmire, raporton BBC.

Dy vdekje erdhën nga pemët e rrëzuara dhe një nga një vinç i hedhur në erë.

Stuhia tani është zhvendosur në Luizianën fqinje me paralajmërime për përmbytje në Bregun e Gjirit.

Në Hjuston, semaforët ishin fikur, dritaret e zyrave ishin hedhur në erë dhe xhamat shihen të shpërndarë nëpër rrugët e qytetit.

Banorët u paralajmëruan të qëndrojnë brenda nga kryebashkiaku, i cili bëri një adresim të enjten në mbrëmje.

“Qëndroni sonte në shtëpi, mos shkoni nesër në punë, nëse nuk jeni punëtor thelbësor. Qëndroni në shtëpi, kujdesuni për fëmijët tuaj. Reaguesit tanë të parë do të punojnë gjatë gjithë orës”, është shprehur ai.

VIDEO:

BREAKING – 🇺🇲🌪️💥⚡❗At least 4 people confirmed dead after a powerful
storm hit downtown Houston, Texas pic.twitter.com/BS07kiszu7

— Kevin De La Fuente.✨ (@alber83720) May 17, 2024

Sipas zyrës së Shërbimit Kombëtar të Motit të Hjustonit, paralajmërime për përmbytje të menjëhershme dhe stuhi të rënda u lëshuan për qarqe të shumta që do të përsëriten deri në mbrëmje.

Në Luiziana 215,000 familje kanë mbetur pa energji elektrike.

Muajin e kaluar, një tjetër stuhi vdekjeprurëse përfshiu qytetin kur tornado Katy la të vdekur një dhe plagosi 10 të tjerë.