-
Përktheu:
Flutura Gashi-Mehmeti
- 15 qershor 2026 12:04
- Shpërndaje në:
Udhëheqësit e Grupit të Shtatë vendeve të pasura, pritet të mbërrijnë në një vendpushim francez buzë liqenit të hënën, mes shqetësimit midis aleatëve për shkak të kërcënimeve të presidentit Donald Trump për tarifa dhe pyetjeve në lidhje me angazhimin e SHBA-së ndaj rendit global.
Diskutimi i hapave të ardhshëm për Iranin, pasi SHBA-ja dhe Teherani njoftuan se kishin arritur një marrëveshje paraprake për t'i dhënë fund luftës së tyre, do të jetë një nga disa çështje me të cilat udhëheqësit globalë do të përballen gjatë samitit të G7-s më 15-17 qershor në Evian-les-Bains.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTrumpi pritet të mbërrijë në një kohë kur udhëheqësit globalë janë gjithnjë e më të kujdesshëm ndaj Shteteve të Bashkuara, megjithëse zyrtarët francezë ishin të lumtur që kishin siguruar praninë e tij pasi ai u largua herët nga samiti i G7 i vitit të kaluar në Kanada.
Duke nënvizuar tensionet, Trumpi në një intervistë për New York Post para se të nisej për në samit ka paralajmëruar se SHBA-ja "nuk do të ketë zgjidhje tjetër" përveçse të aplikojë tarifa 100% mbi verën franceze, nëse Parisi nuk eliminon taksën e saj dixhitale mbi gjigantët amerikanë të teknologjisë.
Shumë udhëheqës të G7-s janë ndikuar drejtpërdrejt nga lëvizjet e paqëndrueshme të Trumpit në skenën globale që kanë përmbysur Lindjen e Mesme, tregtinë globale dhe diplomacinë.
Veprimet e tij kanë çuar në pyetje më të mëdha në lidhje me angazhimin e SHBA-së ndaj rendit global të pasluftës, për vendosjen e së cilit ka ndihmuar edhe vetë ajo.
Trumpi do të takohet me udhëheqës të Lindjes së Mesme dhe do të marrë pjesë në një sesion pune me presidentin ukrainas, Volodymyr Zelensky, gjatë samitit.
Takimi i Zelenskyt të martën vjen në një kohë kur përparimet ruse në Ukrainë janë ngadalësuar dhe Ukraina kërkon më shumë fonde ushtarake nga aleatët e saj, por edhe pas një breshërie sulmesh ndaj Kievit.
“Ky sulm vetëm sa forcon vendosmërinë tonë për të bërë gjithçka, me aleatët dhe partnerët tanë, për të punuar drejt një armëpushimi që Rusia e refuzon me kokëfortësi, dhe më pas drejt paqes. Ne do të punojmë për këtë në G7”, ka thënë presidenti i Francës, Emmanuel Macron, në një postim në X.