-
Përktheu:
Flutura Gashi-Mehmeti
- 3 nëntor 2025 10:33
- Shpërndaje në:
Një 32-vjeçar është akuzuar për sulmin masiv me thikë në një tren me shpejtësi të lartë i cili po udhëtonte drejt Londrës të shtunën, e nga i cili mbetën të lënduar 11 persona.
Anthony Williams nga Peterborough, është akuzuar për 11 akuza për tentativë vrasjeje, një akuzë për dëmtim trupor dhe një akuzë për posedim të një objekti me teh, ka bërë të ditur policia Britanike e Transportit.
Policia ka thënë të dielën në mëngjes se dy burra ishin arrestuar, por deri atë ditë në mbrëmje njëri prej tyre, një burrë 35-vjeçar nga Londra, ishte liruar pa asnjë veprim të mëtejshëm.
Policia ka thënë se ai nuk ishte i përfshirë në sulm.
Sulmi ka ndodhur të shtunën në mbrëmje në linjën e trenit nga Doncaster për në London King’s Cross.
Sulmi ka shkaktuar devijimin e trenit për një ndalesë emergjente në Huntingdon në Cambridgeshire rreth një orë pas fillimit të udhëtimit.
Policia ka thënë se nuk ka asgjë që të sugjerojë se incidenti kishte motive terroriste dhe i ka kërkuar publikut të japë informacione.
Njëmbëdhjetë persona janë trajtuar në spital, katër prej të cilëve janë liruar më vonë. Dy pacientë ishin në një gjendje kritike për jetën, ka thënë policia në një konferencë për shtyp të dielën në mëngjes.
Del para gjyqit i akuzuari për sulmin me thikë në trenin drejt Londrës
Photo: Associated Press
Një 32-vjeçar ka dalë të hënën para gjyqit pasi u akuzua për 11 akuza për tentativë vrasjeje, pas një sulmi me thikë në një tren në Cambridgeshire të shtunën në mbrëmje dhe një incidenti të veçantë në Londër disa orë më parë.
Anthony Williams akuzohet gjithashtu për për posedim të një objekti të mprehtë dhe po ashtu për dëmtim të vërtetë trupor.
Më parë, sekretarja britanike e Transportit, Heidi Alexander, ka thënë se një punëtor treni që ndihmoi në ndalimin e sulmit është "në gjendje kritike, por të qëndrueshme".
"Ai e vuri veten në rrezik dhe ka njerëz që janë gjallë sot që nuk do të ishin gjallë nëse nuk do të ishin për veprimet e tij", ka thënë Alexander.
Një burrë 35-vjeçar që u ndaluar gjithashtu të dielën si i dyshuar është liruar. Zyrtarët thonë se ai nuk ishte i përfshirë.