Ministri i Mbrojtjes i Polonisë, Wladyslaw Kosiniak-Kamysz, u ka bërë thirrje vendeve të NATO-s që të rrisin shpenzimet e tyre për mbrojtjen sa më shpejt të jetë e mundur.
“Evropa... është e aftë të zhvillojë potencialin e saj ekonomik në një shkallë të paimagjinueshme, por duhet ta thotë drejtpërdrejt: ky është prioriteti sot. Kjo është detyra jonë më e madhe sot. Nuk ka kuptim të presim deri në vitin 2035 me pesë për qind. Duhet të arrihet deri në vitin 2030, sepse përndryshe mund të jetë tepër vonë”, ka deklaruar ai.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKosiniak-Kamysz i ka paralajmëruar veçanërisht vendet në Evropën Jugore se “kërcënimi nuk lidhet vetëm me kufirin me Federatën Ruse ose Bjellorusinë dhe se kërcënimi është kudo edhe në hapësirën kibernetike”.
Kosiniak-Kamysz ka shtuar se Evropa duhej të merrte më shumë përgjegjësi për sigurinë e saj, “jo për të zëvendësuar trupat amerikane, sepse roli i tyre, aftësitë strategjike dhe parandalimi bërthamor janë të pazëvendësueshme, por për të mbajtur trupat amerikane dhe për të shpëtuar aleancën transatlantike”.
Çuditërisht, ai ka aluduar gjithashtu për një rritje të mundshme të trupave amerikane në Poloni, nga 10,000 që janë aktualisht.
“Pavarësisht vendimeve të marra sot midis Shteteve dhe Republikës Federale të Gjermanisë, prania e trupave amerikane dhe rritja e kësaj pranie është qëllimi ynë strategjik. Dhe ne jemi gati për këtë, për të pritur ushtarë të tjerë amerikanë. Ne jemi përgatitur për këtë për një kohë të gjatë, jo vetëm sot”, ka shtuar.
Ai ka thënë se Polonia dëshiron të ketë ushtrinë më të madhe të Evropës prej 500,000 deri në vitin 2030, duke përfshirë 200,000 ushtarë profesionistë.