-
Përktheu:
Flutura Gashi-Mehmeti
- 17 shtator 2025 16:49
- Shpërndaje në:
Teksa presidenti i SHBA-së, Donald Trump, po drekon me familjen mbretërore britanike në Windsor, një numër i madh demonstruesish janë mbledhur në qendër të Londrës për një protestë kundër tij.
Protestuesit po mbajnë pankarta dhe flamuj me slogane që kundërshtojnë udhëheqësin e SHBA-së, duke përfshirë thirrjet “hidhni Trumpin” “ndaloni Trumpin”, raporton CNN.
Disa demonstrues janë shfaqur të veshur si figura, përfshirë presidentin rus, Vladimir Putin, kryeministrin izraelit, Benjamin Netanyahu dhe të vetëshpallurin mizogjin, Andrew Tate.
Shumë në protestë raportohet se po mbajnë gjithashtu pankarta që lidhen me tema specifike politike në të cilat Trumpi është futur, duke përfshirë konfliktin Rusi-Ukrainë dhe luftën e Izraelit në Gazë.
Panakarta të tjera i referohen abuzuesit të dënuar seksual Jeffrey Epstein, nga i cili Trumpi është përpjekur prej kohësh të distancohet, pavarësisht provave të një miqësie të kaluar.
"Jo regjimit fashist të Trumpit", shkruante në një pankartë, ndërsa një tjetër e quante udhëheqësin e SHBA-së "gjënë më të keqe në Londër që nga murtaja".
