-
Përktheu:
Flutura Gashi-Mehmeti
- 24 mars 2026 18:08
- Shpërndaje në:
Rusia ka nisur një sulm të rëndë gjatë ditës së martë ndaj Ukrainës, duke goditur qytete në të gjithë perëndimin e vendit me mbi 400 dronë.
Kreu rajonal i Lvivit, Maksym Kozytskyi, ka thënë se manastiri Bernardine, një vend i mbrojtur nga UNESCO-ja e shekullit të 16-të, është dëmtuar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNjë video e postuar nga autoritetet e Lvivit tregon një zjarr po ashtu në çatinë e një ndërtese banimi pranë manastirit.
Tri qytete të tjera perëndimore, Ivano-Frankivsk, Vinnytsia dhe Ternopil, janë vënë gjithashtu në shënjestër.
Kryetarja e rajonit Ivano-Frankivsk, Svitlana Onyshchuk, ka thënë se dy persona janë vrarë. Katër, të tjerë, përfshirë një fëmijë gjashtëvjeçar, janë plagosur. Ndërtesa të ndryshme në qytet, si dhe spitali i lindjes, janë dëmtuar.
Në Lviv, kryebashkiaku Andriy Sadovyi ka thënë se 13 persona në qytetin e tij janë plagosur dhe ka paralajmëruar se numri do të rritet.
Sulmet erdhën disa orë pas një sulmi të rëndë gjatë natës që la të paktën pesë persona të vdekur.
Një grua 61-vjeçare u vra kur një dron goditi një tren elektrik në Kharkiv herët të martën, kanë thënë autoritetet, ndërsa vdekje të tjera janë raportuar në Zaporizhzhia, Kherson dhe Poltava.
Ndërsa katër vjet luftë nuk kanë lënë praktikisht asnjë cep të Ukrainës të paprekur, perëndimi i vendit është goditur relativisht më pak sesa zonat e tjera më afër kufirit rus në lindje.