Autoritetet e Zambisë kanë vrarë dy luanë endacakë që shkaktuan frikë në rajonin perëndimor të Zambezit, duke nxitur planet për mbylljen e shkollave aty pranë.
Dy luanët, që thuhet se kanë ikur nga Parku Kombëtar Kafue, vranë 16 lopë në një hark kohor prej dy javësh, raporton BBC.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNjë banor i ka thënë transmetuesit shtetëror ZNBC se disa njerëz nuk kishin guxim të largoheshin nga shtëpitë e tyre.
Autoritetet kishin njoftuar një plan për mbylljen e disa shkollave në zonë si masë paraprake.
“Ekziston një rrezik real që nxënësit mund të sulmohen gjatë rrugës për në shkollë,” citohet të ketë thënë komisioneri i qarkut, Simeon Machayi.
"Për të mbrojtur jetën e njerëzve, disa shkolla do të mbyllen si masë paraprake”, kishte shtuar ai.
Ndërsa luanët kishin sulmuar vetëm bagëtitë, autoritetet kanë thënë se ata përbënin rrezik për jetën e njerëzve.
Konfliktet midis njerëzve dhe kafshëve të egra janë të zakonshme në vend, veçanërisht midis komuniteteve që jetojnë pranë parqeve të kafshëve të egra.
Situata është përkeqësuar nga një thatësirë e cila ka zvogëluar burimin e ushqimit si për njerëzit ashtu edhe për kafshët.