-
Përktheu:
Flutura Gashi-Mehmeti
- 9 shkurt 2026 15:59
- Shpërndaje në:
Udhëheqësi i Partisë Laburiste Skoceze, Anas Sarwar, i ka bërë thirrje të hënën kryeministrit britanik, Keir Starmer, të japë dorëheqjen, duke thënë se shpërqendrimi duhet të marrë fund dhe lidershipi në Downing Street duhet të ndryshojë.
Kërkesa e tij, e bërë në një konferencë për media, vjen pasi drejtori i komunikimit i Starmerit, Tim Allan, dha dorëheqjen, një ditë pasi shefi i stafit të kryministrit dha dorëheqjen gjithashtu.
Të dielën, Morgan McSweeney u largua nga ekipi i lartë i kryeministrit, duke thënë se ai merr "përgjegjësinë e plotë" për këshillimin e Starmerit për të emëruar Peter Mandelson si ambasador të SHBA-së në vitin 2024.
I pyetur më parë nëse Starmeri do të jepte dorëheqjen, Downing Street e ka hedhur poshtë mundësinë, duke thënë se “kryeministri po përqendrohet në punën që ka në dorë".
Si zëvendëskryeministri David Lammy ashtu edhe kancelarja Rachel Reeves kanë shprehur mbështetjen e tyre për kryeministrin.
Ndërkohë, udhëheqësi i Partisë Konservatore, Kemi Badenoch, ka thënë se Starmeri ka humbur kontrollin e partisë së tij dhe ka pretenduar se vendi "nuk po qeveriset".