-
Përktheu:
Flutura Gashi-Mehmeti
- 5 gusht 2025 16:55
- Shpërndaje në:
Spanja po përjeton valën më të keqe të nxehtësisë së verës këtë javë, pasi temperaturat mund të kalojnë 42 gradë celsius, sipas Agjencisë Meteorologjike spanjolle, e cila ka lëshuar alarme për më shumë se 30 provinca në të gjithë vendin.
Një nga rajonet më të prekura deri të dielën do të jetë Andaluzia, veçanërisht Kordoba, ku është lëshuar një paralajmërim për temperaturë të lartë për të martën, raporton AP.
Qyteti i Kordobës po përballet me një nga ditët më intensive të kësaj vale të dytë të nxehtësisë së verës të martën.
Agjencia Shtetërore Meteorologjike (AEMET) ka aktivizuar një nivel alarmi për temperatura të larta që mund të arrijnë deri në 42 gradë celsius në disa zona të Luginës së Guadalquivir, veçanërisht midis orës 13:00 dhe 21:00.
AEMET parashikon që vala e nxehtësisë do të zgjasë të paktën deri të dielën, më 10 gusht, megjithëse mund të zgjatet përtej kësaj date.
Kordoba është ndër provincat më të prekura nga vapa përvëluese, së bashku me të tjera në Spanjën jugore si Sevilja, Jaen dhe Badajoz.