Të paktën 61 palestinezë janë vrarë në Rripin e Gazës në 24 orët e fundit, si pasojë e sulmeve izraelite, ka bërë të ditur ministria e Shëndetësisë e territorit.
Kjo e çon numrin e të vdekurve që kur ka nisur lufta në tetor të vitit 2023, në 65,344, sipas ministrisë.
Sulmet intensive në Gazë vijnë në kohën kur Asambleja e Përgjithshme e OKB-së pritet të diskutojë për një zgjidhje me dy shtete.
Sulmet vijnë po ashtu në kohën kur Britania, Kanadaja, Australia dhe Portugalia kanë bërë njohjen e shtetit palestinez, teksa veprim të ngjashëm pritet të bëjnë të hënën edhe Franca dhe Belgjika.