Ministri i Jashtëm rus, Sergei Lavrov, është parë veshur me një bluzë me mbishkrimin “CCCP” - shkurtesa në rusisht për Bashkimin e Republikave Socialiste Sovjetike - gjatë mbërritjes së tij në Alaskë, ka raportuar Politico.
Ai do të jetë pjesë e delegacionit të Kremlinit, kur presidenti rus Vladimir Putin dhe presidenti amerikan Donald Trump të takohen më vonë të premten, në samitin e shumëpritur mes tyre për të diskutuar rreth luftës në Ukrainë.
Bluza e bardhë e Lavrovit ishte pjesërisht e fshehur nën një jelek të zi, me vetëm shkronjat e mesit “CC” që duken qartë në videon e postuar në rrjetin X.
Sipas ekspertëve, regjimi aktual në Rusi e ka shfrytëzuar vazhdimisht nostalgjinë për Bashkimin Sovjetik si mënyrë për të realizuar qëllimet e tij politike dhe imperialiste, përderisa Putini e pati cilësuar shpërbërjen e Bashkimit Sovjetik si “katastrofën më të madhe politike” të shekullit të 20-të gjatë një fjalimi në vitin 2005.
Dëshira e Moskës për të rikthyer lavdinë e së kaluarës është lidhur shpeshherë edhe me luftën në Ukrainë që nisi në shkurt të vitit 2022, të cilën Trumpi shpreson ta përfundojë në samitin që do të mbahet të premten në Alaska.
VIDEO:
Lavrov has arrived for the meeting in a shirt that says СССР (USSR). https://t.co/D5yrC2MFhD pic.twitter.com/h5HYuvTrob
— Anton Gerashchenko (@Gerashchenko_en) August 15, 2025
