Vetura përplas këmbësorët në Francë, disa të lënduar

Disa persona raportohet të jenë lënduar pasi një veturë është përplasur me këmbësorët në Francën jugperëndimore të mërkurën.

Të paktën pesë persona besohet se janë lënduar pasi një veturë u përplas me këmbësorët dhe çiklistët në Saint Pierre d’Oléron në Île d’Oléron, pranë bregut perëndimor të Francës, ka thënë ministri i Brendshëm i vendit, Laurent Nunez.

Në një postim në X, Nunez ka thënë se dy persona janë në kujdes intensiv dhe tre të tjerë kishin pësuar lëndime më të lehta.

I dyshuari është marrë në paraburgim, ndërsa hetimi është duke vazhduar, ka shtuar ai.

Kryebashkiaku i Dolus-d’Oléron ka thënë se burri i arrestuar në vendngjarje dyshohej për abuzim me drogë dhe alkool.