Zelensky shkarkon ministrin e Mbrojtjes, shpërthejnë protestat në Ukrainë

Protesta janë duke u zhvilluar në disa qytete të Ukrainës kundër vendimit të papritur të presidentit, Volodymyr Zelensky, për të shkarkuar ministrin e njohur të Mbrojtjes, Mykhailo Fedorov.

Në Kiev, një turmë protestuesish, kryesisht të rinj, janë mbledhur duke mbajtur pankarta me mbishkrimet "Larg duart nga Fedorov" dhe "Ndalni sabotimin e fitores!", ndërsa brohorisnin "Turp!".

Zelensky ende nuk ka dhënë një shpjegim për vendimin e tij, i cili ka shkaktuar pakënaqësi të madhe mes analistëve, ushtrisë dhe një pjese të shoqërisë civile.

Fedorov, 35 vjeç, ishte emëruar ministër këtë janar, por i atribuohet merita për ringjalljen e ministrisë.

Ai ka udhëhequr një fushatë kundër korrupsionit dhe ka përdorur analizën e të dhënave për të vlerësuar dhe përmirësuar performancën e forcave ukrainase në vijën e frontit.

Edhe Botë 1 o. më parë Parlamenti i Ukrainës zgjedh Serhii Koretskyi kryeministër të ri të vendit

Deputetët pritet të votojnë më vonë gjatë së enjtes për emërimin e Ihor Klymenko, aktualisht ministër i Brendshëm, si pasuesini tij në postin e ministrit të Mbrojtjes.

Disa në Ukrainë e lidhin shkarkimin e Fedorovit me tensionet mes tij dhe komandantit të përgjithshëm të ushtrisë, Oleksandr Syrskyi, i cili konsiderohet më tradicional në qasjen e tij. Të tjerë theksojnë se Fedorov nuk veproi mjaftueshëm shpejt për reformimin e sistemit të mobilizimit ushtarak.

Përpara se t'i bashkohej qeverisë, Mykhailo Fedorov krijoi grupin vullnetar "IT Army of Ukraine".

"Ky është gabimi më i madh që Zelensky ka bërë gjatë gjithë presidencës së tij," i ka thënë BBC-së ushtari ukrainas, Oleksandr.

Ai ka shtuar se ishte regjistruar në ushtri në fillim të këtij viti sepse kishte besim te ekipi dhe vizioni i Fedorovit.

Edhe Botë 3 d. më parë Dorëhiqet kryeministrja ukrainase pasi Zelensky njoftoi riorganizim të qeverisë

"Nuk njoh askënd që e mbështet vendimin për ta zëvendësuar. As në ushtri dhe as në shoqëri”, ka thënë ai.

"Kam shumë miq në ushtri. Shumë prej tyre kanë humbur jetën. Nuk dua që kjo të vazhdojë më”, i ka thënë BBC-së 31-vjeçarja Maria Lavrynets, gjatë një proteste në sheshin Ivan Franko në qendër të Kievit.

"Ne i shohim rezultatet e Fedorovit. E shohim motivimin e ushtarëve dhe duhet t'i mbështesim ata”, ka shtuar ajo.

Kur kishte marrë detyrën, Fedorov kishte nisur një proces ristrukturimi të ministrisë së Mbrojtjes, e cila nga shumë ukrainas shihet si tepër e ngarkuar me burokraci dhe me mentalitet të trashëguar nga epoka sovjetike.

Edhe Botë 3 j. më parë Zelensky bojkoton konferencën për Ukrainën për shkak të tensioneve me Poloninë

Ish-ministër i Transformimit Digjital, ai ishte aktiv që në ditët e para të pushtimit të plotë rus në vitin 2022, duke krijuar grupin vullnetar "IT Army of Ukraine", i cili zhvillonte sulme kibernetike kundër objektivave ruse.

Më vonë, ai udhëhoqi një fushatë të suksesshme për mbledhjen e fondeve, të quajtur "Army of Drones" (Ushtria e Dronëve).