Përfaqësuesja e Argjentinës në futboll po e shijon suksesin në Kupën e Botës. Por një dramë po zhvillohet prapa skenave. Autoritetet amerikane kanë nisur një hetim ndaj Federatës së Futbollit të Argjentinës me dyshimin pastrim parash dhe parregullsi të tjera financiare me vlerë më shumë se 300 milionë dollarë.
Sipas gazetës “La Nacion”, prokurorët federalë dhe agjentët e FBI-së kanë filluar të marrin deklarata në lidhje me operacionet financiare të organizatës, të kryesuar nga Claudio Tapia, brenda territorit të SHBA-së.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoObjektivi i hetuesve është të kuptojnë se si Federata ka lëvizur qindra miliona dollarë përmes sistemit bankar të SHBA-së dhe të përcaktojnë nëse ndonjë nga këto transaksione përbën krime nën juridiksionin e SHBA-së, si pastrim parash ose mashtrim.
Agjentë të FBI-së dhe prokurorë të Departamentit të Drejtësisë të SHBA-së morën në pyetje biznesmenin Guillermo Tofoni në lidhje me strukturën financiare të përdorur për të menaxhuar kontratat tregtare ndërkombëtare.