Mesfushori Cristian Pulisic është kthyer nga lëndimi dhe luajti si zëvendësues në disfatën që SHBA-ja e pësoi nga Turqia 3:2, në ndeshjen që u zhvillua në orët e hershme të së premtes.
Ai luajti prej minutës së 58-të dhe paraqitja e tij u vlerësua pozitive. Pati disa momente të mira në fazën e sulmit, ndërsa iu afrua edhe shënimit të golit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoHumbja nuk kishte rëndësi për amerikanët, pasi e kishin të sigurt avancimin në raundin tjetër të garës.
SHBA-ja fitoi ndaj Paraguait dhe Australisë në dy ndeshjet e para dhe e siguroi pozitën e parë në Grupin D. Në ndeshjen e parë të fazës nokaut, SHBA-ja luan ndaj Bosnjë-Hercegovinës.
Pulisic mori lëvdata edhe nga përzgjedhësi Mauricio Pochettino.
“Jam i lumtur sepse mendoj që pati ndikim të mirë kur ai ishte në fushë”, deklaroi përzgjedhësi Pochettino.
Pulisic luajti vetëm në pjesën e parë në fitoren 4:1 të SHBA-së ndaj Paraguait, ndërsa mungoi në duelin e dytë ndaj Australisë.