Tashmë është zyrtare. Sabri Lamouchi është shkarkuar nga posti i selektorit të Tunizisë.
Shkarkimi erdhi të hënën, pasi Tunizia pësoi 5:1 nga Suedia në ndeshjen e parë në Botëror.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoFederata e Futbollit e Tunizisë e ka konfirmuar këtë përmes një postimi në “Instagram”.
“Një marrëveshje është arritur zyrtarisht për shkarkimin e trajnerit Sabri Lamouchi. Planet janë që të emërohet Mondher Kebaier si trajner i përkohshëm”, ka shkruar federata tuniziane.
Tunizia luan ndaj Japonisë në ndeshjen e dytë të Botërorit. Më pas përballet me Holandën.
Tunizia afër shkarkimit të trajnerit
Federata e Futbollit të Tunizisë është afër shkarkimit të trajnerit Sabri Lamouchi.
Ky zhvillim vjen pas humbjes që Tunizia e pësoi në orët e hershme të së hënës nga Suedia me rezultatin e thellë 5:1. Ishte ndeshja e Botërorit që i takoi Grupit F.
“The Guardian” ka shkruar të hënën se menjëherë pas humbjes drejtuesit e Federatës së Futbollit të Tunizisë kanë ftuar në takim urgjent trajnerin Lamouchi.
Tunizia i humbi edhe dy miqësoret para fillimit të Botërorit, nga Belgjika dhe Austria.
54-vjeçari u emërua selektor i Tunizisë më 14 janar. Trajneri nga Franca por me prejardhje tuniziane, deri më tani e ka drejtuar Tunizinë në pesë ndeshje, derisa ka shënuar një fitore, një barazim dhe tri humbje.
Emrat si Wahbi Khazri dhe Mondher Kebaier po shihen si pasardhës të mundshëm të Lamouchit.
Tunizia ndeshjen e radhës në Botëror e luan të dielën ndaj Japonisë.