Lojtarët e asnjë lige nuk kanë shënuar më shumë gola sesa ata të Bundesligës. Futbollistët e Dortmundit në veçanti janë dalluar.
Deri në çerekfinale të “Euro 2024” lojtarët që bëjnë karrierë në Bundesligë kanë shënuar 21 gola.
Në vendin e dytë janë lojtarët e Serie A, që kanë realizuar 14 gola, kurse ata të Premier Leagues kanë realizuar 13 gola.
12 gola i kanë shënuar futbollistët e La Ligas, ndërsa ata të Ligue 1 të Francës kanë realizuar shtatë herë dhe e kompletojnë top-pesëshen.
Lojtarët e Dortmundit e kryesojnë listën e golashënuesve më të mirë.
Futbollistët e ekipit “verdhezi”, finalistë të Ligës së Kampionëve për edicionin e kaluar, kanë realizuar gjashtë gola.
Niclas Fuellkrug ka dy gola, kurse Emre Can ka një gol të shënuar. Që të dy përfaqësojnë Gjermaninë.
Donyell Malen i Holandës ka dy gola, kurse Marcel Sabitzer e ka një gol të shënuar për Austrinë.
Gjermania luan kundër Spanjës në çerekfinale të Evropianit, kurse Holanda ballafaqohet me Turqinë. Austria është eliminuar nga turneu.
Lojtarët e Bayern Munichut dhe Real Madridit kanë shënuar nga pesë gola dhe e ndajnë vendin e dytë.
Lojtarët e Interit dhe të Slavia Pragës janë në vendin e tretë me nga katër gola të shënuar.
