Përditësim, 18:40 - Pas dy barazimeve rresht, skuadra e Ballkanit ka shënuar fitoren e parë në Superligën e Kosovës në futboll. Ballkani mposhti Ferizajn të dielën me rezultat 3:1. Ndeshja u zhvillua në fushën me bari artificial në Ferizaj
Skuadra nga Suhareka i shënoi në minutat shtesë golat e fitores.
Fillimisht Marsel Ismajlgeci shënoi për 1:0 në minutën e 13-të, ndërsa Remzifaik Selmani në minutën e 35-të barazoi rezultatin për Ferizajn.
Valentin Serebe në minutën e 90-të shënoi për 2:1, ndërsa golin e tretë për rezultatin 3:1, Ballkani e shënoi në minutën e 97-të.
Ballkani është në vendin e katërt me pesë pikë, kurse Ferizaj një pozitë më lart me një pikë më shumë.
Baras pas pjesës së parë në Ferizaj
Përditësim, 17:23 - Ferizaj dhe Ballkani po barazojnë 1:1 pas pjesës së parë.
Ballkani kaloi në epërsi në minutën e 13-të. Marsel Ismajlgeci shënoi për suharekasit.
Vendësit shifrat i barazuan në minutën e 33-të me golin që e realizoi Remzifaik Selmani.
Barazon Ferizaj
Përditësim, 17:06 - Ferizaj e ka barazuar në 1:1 rezultatin në ndeshjen ndaj Ballkanit. Në minutën e 34-t shënoi Remzifaik Selmani.
Ballkani në epërsi në Ferizaj
Ballkani ka kaluar në epërsi 1:0 ndaj Ferizajt.
Marsel Ismajlgeci shënoi për suharekasit në minutën e 13-të.