Enis Bardhi ka qenë shënues i golit që ia ka siguruar pikët e plota Konyasporit në udhëtim te skuadra e Gençlerbirligit.
Ndeshjen që i takoi javës së dhjetë të Superligës së Turqisë, Konyaspori e fitoi me përmbysje të rezultatit, 2:1.
Kapiteni i Maqedonisë së Veriut, Bardhi, golin e fitores e realizoi në minutën e 49-të.
Ai luajti deri në minutën e 80-të dhe ishte prej më të mirëve në fushë.
Për 30-vjeçarin Bardhi ishte goli i tretë këtë edicion.
Konyaspori ka 14 pikë në vendin e tetë. Gençlerbirligi është në pozitën e 15-të me tetë pikë.