Ikona e futbollit anglez, David Beckham, është dashur të operohet për shkak të një lëndimi që e kishte pësuar para 22 vjetësh.
“The Sun” ka raportuar të premten se ai është operuar në nyjën e dorës së djathtë.
Në vitin 2003, futbollisti anglez ishte lënduar në një ndeshje miqësore mes Anglisë dhe Afrikës së Jugut.
Ai ishte përplasur me Thabang Molefen dhe ishte lënduar rëndë pasi ishte rrëzuar në tokë.
Fillimisht ai e kishte vazhduar ndeshjen, por ishte zëvendësuar në pjesën e dytë dhe ishte dërguar në spital.
Një burim i ka thënë “The Sunit” se Beckham ka pasur dhimbje për vite me radhë.
