Vetëm një gol u realizua në derbin mes Tottenham Hotspurit dhe Chelseat.
Chelsea fitoi 1:0 të shtunën në ndeshjen që ishte e vlefshme për xhiron e dhjetë të Premier Leagues.
Joao Pedro e shënoi golin e fitores për klubin londinez në minutën e 34-t.
Chelsea reagoi pas disfatës që e pësoi javën e kaluar nga Sunderlandi.
Për Tottenhamin ishte humbja e dytë rresht në të gjitha garat.
Tottenhami të mërkurën u eliminua nga EFL Cup, pasi u mposht nga Newcastle Unitedi me rezultatin 2:0.
Si Chelsea ashtu edhe Tottenhami kanë nga 17 pikë.