Ish-reprezentuesi i Brazilit, Philippe Coutinho, ka kompletuar transferimin e plotë te Vasco de Gama nga Aston Villa.
Klubi i Premier Leagues ka njoftuar të premten që ka arritur marrëveshje që mesfushori të kthehet në klubin e fëmijërisë. Coutinho deri më tani ishte i huazuar te klubi nga Rio.
Coutinho iu bashkua Villas në vitin 2022 dhe bëri 43 paraqitje për ekipin anglez. I shënoi gjashtë gola. Ai e kishte nisur karrierën te Vasco de Gama në vitin 2009. Më pas luajti për Interin, Liverpoolin, Barcelonën e Bayernin.
Ai ishte transferuar te Barcelona në vitin 2018 nga Liverpooli për plot 160 milionë euro.
33-vjeçari ka 68 paraqitje për Brazilin.
