Pas disfatës që e pësoi në xhiron e parë nga Espanyoli, Atletico Madridi ka dëshpëruar sërish në La Liga.
Atletico të shtunën mbrëma barazoi 1:1 me Elchen në shtëpi.
Kjo ndeshje i takoi javës së dytë të elitës së futbollit spanjoll.
Alexander Sorloth e kaloi në epërsi Atleticon në minutën e tetë. Por reagimi i mysafirëve ishte i shpejtë.
Shtatë minuta më pas, Rafa Mir, i barazoi shifrat.
Për Elchen ishte barazimi i dytë rresht pasi edhe në xhiron e parë barazoi 1:1 me Real Betisin në shtëpi.