Pas nëntë vjetësh si asistent i babait të tij, Carlo Ancelottit, që së fundi u largua nga Real Madridi për ta drejtuar Brazilin, Davide Ancelotti për herë të parë ka nisur punë si kryetrajner.
Davide Ancelotti mori drejtimin e kampionit brazilian, Botafogo.
Fituesi në fuqi i Copa Libertadores ka ndarë rrugët me portugezin Renato Paiva pas eliminimit në një të tetën e finales në Kupën e Botës për Klube. Klubi nga Rio de Janeiro zgjodhi italianin 35-vjeçar si pasardhës të tij.
Federata e Futbollit e Brazilit po negocion me Botafogon për ta lejuar Davide Ancelottin që të jetë edhe asistent i Carlo Ancelottit te përfaqësuesja e Brazilit.
