Klubi brazilian, Fluminense, ka njoftuar të mërkurën se portieri Fabio e mban një rekord të veçantë botëror në futboll.
44-vjeçari e pati paraqitjen e 1391-të kur luajtu në 1/8 e finales në “Copa Sudamericana”, turne në Amerikën e Jugut, që është ekuivalent me Ligën e Evropës.
Ai e ka kaluar në këtë statistikë ikonën angleze, portierin Peter Shilton, ka shkruar klubi tradicional nga Rio de Janeiro.
Fabio e mbajti portën e paprekur në fitoren 2:0 në stadiumin “Maracana” ndaj America de Cali.
Shilton ka luajtur në 1390 ndeshje në karrierë.
Fabio ka debutuar në futbollin profesionist në vitin 1997, por asnjëherë nuk është paraqitur te Përfaqësuesja e Brazilit.
Ai së fundmi e ka vazhduar kontratën me Fluminensen, deri në dhjetor të vitit të ardhshëm.