Mbrojtësi i krahut të majtë i Kosovës, Dion Gallapeni, ka deklaruar se i gjithë grupi është i bashkuar dhe tani synohet tjetër fitore ndaj Turqisë.
Kosova të enjten mbrëma në Bratislavë fitoi ndaj Sllovakisë 4:3.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTjetër fitore historike synohet ndaj Turqisë të martën në “Fadil Vokrri” në Prishtinë.
Me fitoren ndaj Turqisë, Kosova do ta siguronte Kupën e Botës 2026, që në këtë verë do të organizohet në Kanada, Meksikë dhe SHBA.
“Normalisht që është një ndeshje e vështirë duke marrë parasysh kualitetin që ka Turqia. Mirëpo, këtë e kemi vërtetuar edhe më parë që pavarësisht cilësisë së skuadrës së tyre, ne jemi shumë të bashkuar si grup, luftojmë për njëri-tjetrin dhe kjo ka shumë rëndësi”, ka thënë fillimisht Gallapeni për faqen zyrtare të FFK-së.
Futbollisti i Widzev Lodzit në Poloni, që në shkurt të këtij viti u huazua te Wisla Plock, skuadra tjetër polake, pret numër të madh të shikuesve.
“Normalisht, si kjo ndeshje, por edhe në ndeshjet e tjera, tifozët kanë qenë forca jonë më e madhe. Normalisht se i pres në numër të madh, ta bëjnë atmosferën siç dinë ata dhe të dalim fitimtar në atë ndeshje”, është shprehur Gallapeni 21-vjeçar.