Mbrojtësi i krahut të djathtë, Elseid Hysaj, ka thënë se ai dhe lojtarët e tjerë të ekipit, kanë dhënë çdo gjë nga vetja në ndeshjen me Serbinë.
“Kam folur me Brojën që ai t’i shfrytëzonte situatat një kundër një pasi është shumë i shpejtë dhe i fortë. Kishim raste për ta fituar ndeshjen. Besoj se lojtarët e Serbisë kishin frikë më shumë për të luajtur futboll. Ata prisnin ndonjë ndërprerje për të rrezikuar, sepse në lojë nuk patën diçka. E dimë të gjithë që këto janë ndeshje të forta dhe duhet dhënë shpirtin, siç kemi bërë ne”, tha Hysaj pas barazimit pa gola me Serbinë.
