Boca Juniorsi do të duhet të luajë pa Ayrton Costan në Kupën e Botës për Klube.
25-vjeçarit, që luan si qendërmbrojtës, i është refuzuar viza për në Shtetet e Bashkuara të Amerikës, ka njoftuar klubi argjentinas.
Costa u transferua te Boca Juniorsi në dimrin e kaluar nga Royal Antwerpi.
Refuzimi i vizës ka të bëjë me një rast të vitit 2018, kur Costa u raportua se u dënua me kusht për tentativë grabitjeje në Bernal të Argjentinës.
Argjentinasi Costa ka zhvilluar 27 ndeshje për Boca Juniorsin.
Boca Juniorsi është në Grupin C me Benfican, Bayern Munichun dhe Auckland Cityn.
