Zhveshtoret e ekipeve mysafire mund të jenë vende të pakëndshme. Por klubi kinez i kategorisë së tretë të futbollit, Changchun Xidu, do të paguajë kosto shtesë për përpjekjet për të shpërqendruar kundërshtarin.
Ky klub është gjobitur për vendosjen e gjërave besëtyte në zhveshtoren e kundërshtarit. Liga kineze tha se Changchun Xidu i kishte vendosur sendet në dhomën e zhveshjes së mysafirëve para ndeshjes ndaj Shanxi Chongde më 28 qershor.
Fotografitë në rrjetet sociale kanë treguar hajmali të verdha letre, të ngjitura në një mur. Në to kishte shkrime si: “Me dekret, Shanxi duhet të mposhtet”.
Klubi është gjobitur me mbi 4000 dollarë pas një hetimi të bërë, shkruan Reuters.
