Vinicius Junior është futbollisti më i mirë brazilian aktualisht. Kështu ka vlerësuar legjenda e Real Madridit, Marcelo.
Sipas Marcelos, Viniciusi është lojtari më i kompletuar brazilian.
Viniciusi dhe Marcelo kanë luajtur së bashku për tri edicione te klubi mbretëror.
“Vinicius Juniori është futbollisti më i mirë brazilian aktualisht. Unë mendoj që ai është një lojtar i kompletuar”, ka thënë Marcelo.
24-vjeçari me Përfaqësuesen e Brazilit ka zhvilluar 39 ndeshje, ndërsa ka realizuar gjashtë gola.
Ai është prej sulmuesve kryesorë te Reali. Në edicionin 2024/25, Viniciusi në 52 ndeshjet e zhvilluara ka shënuar 21 gola dhe ka bërë 18 asistime.
