Bayern Muncheni, Liverpooli e Atletico Madridi kanë siguruar kalimin në çerekfinale të Ligës së Kampionëve, duke iu bashkuar Barcelonës, Real Madridit, PSG-së, Arsenalit e Sportingut të Lisbonës në këtë fazë. Në çerekfinale do të përballen PSG - Liverpool, Real Madrid - Bayern Munchen, Barcelona - Atletico Madrid dhe Sporting Lisbona - Arsenal.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoLiverpooli e kalon pa telashe Galatasarayn
Ndonëse e humbi 1:0 ndeshjen e parë të një të tetës së finales në Stamboll nga Galatasaray, Liverpooli i trajnerit Arne Slot nuk ka pasur telashe në ndeshjen kthyese.
“Të kuqtë” të mërkurën mbrëma në “Anfield” fituan me rezultatin 4:0, dhe avancojnë tutje me rezultatin e përgjithshëm 4:1.
Dominik Szoboszlai shënoi për 1:0 në minutën e 25-të, kurse Mohamed Salah dështoi të realizonte nga penalltia në minutën e katërt shtesë të pjesës së parë.
Por, sulmuesi nga Egjipti pati tjetër paraqitje në pjesën e dytë.
Asistoi në golin për 2:0 të shënuar nga Hugo Ekitike në minutën e 52-të.
Ryan Gravenberch shënoi për 3:0 një minutë më vonë, kurse në minutën e 56-të, Liverpoolit iu anulua një autogol, pasi gjatë ndërtimit të aksionit pati pozitë jashtë loje.
Në minutën e 64-t, Salah shënoi supergol për 4:0 dhe e vendosi avancimin tutje të Liverpoolit. Liverpoolit iu anulua edhe një gol në minutën e 90-të i shënuar nga Mac Allister, për ndërhyrje të palejuar.
Liverpoolin në çerkefinale e pret punë e vështirë në muajin prill. Përballet me fituesin në fuqi të Ligës së Kampionëve, Paris Saint-Germainin.
Atletico Madridi mposhtet nga Tottenhami por kualifikohet
Photo: Associated Press
Atletico Madridi ka humbur 3:2 në Londër nga Tottenhamit të mërkurën mbrëma, por ka bërë vend në çerekfinale të Ligës së Kampionëve.
Ndeshjen e parë në “Wanda Metropolitano” në javën e kaluar, Atletico e fitoi thellë, 5:2.
Mysafirëve iu anulua një gol për pozitë jashtë loje, i shënuar nga Ademola Lookman, në fillim të ndeshjes.
Tottenhami më pas shënoi për 1:0 me Randal Kolo Muanin në minutën e 30-të.
Por me të nisur pjesa e dytë, për spanjollët shënoi Julian Alvarez, në minutën e 47-të.
Xavi Simons e ktheu epërsinë e vendësve në minutën e 52-të.
Mbrojtësi sllovak, David Hancko, realizoi për 2:2, ndërsa golin e fundit e shënoi Simons përsëri nga pika e bardhë. Ai realizoi për 3:2 në minutën e 90-të.
Rezultati nuk ndryshoi më dhe Atletico avancoi tutje me rezultatin e përgjithshëm 7:5.
Atletico Madridi në çerekfinale të Ligës së Kampionëve do të luajë ndaj Barcelonës. Ndeshja e parë luhet në “Camp Nou”.
Bayerni avancon, në çerekfinale përballet me Realin
Bayern Munichu fitoi 6:1 në Bergamo javën e kaluar ndaj Atalantas.
Skuadra e madhe gjermane realizoi tjetër fitore të thellë të mërkurën mbrëma në ndeshjen kthyese të një të tetës së finales së Ligës së Kampionëve.
E mposhti 4:1 skuadrën e vetme të mbetur nga Italia dhe avancoi në çerekfinale të garës me rezultatin e përgjithshëm 10:2.
Harry Kane shënoi dy gola, në minutën e 25-të nga penalltia, pas tentimit të dytë, dhe në minutën e 54-t.
Talenti Lennart Karl e realizoi golin e tretë në minutën e 54-t, ndërsa Luis Diaz e vendosi sfidën me golin e minutës së 70-të.
Lazar Samarxhiq e shënoi golin e vetëm për mysafirët, katër minuta para fundit.
Me avancimin tutje vendoset edhe supersfida e çerekfinales mes Real Real Madridit dhe Bayern Munichut. Reali të martën mbrëma e eliminoi Manchester Cityn.
Simons shënon edhe një herë për Tottenhamin
Xavi Simons ka shënuar tjetër gol për Tottenhamin që po fiton 3:2.
Simons realizoi nga penalltia në minutën e 90-të.
Tjetër barazim i rezultatit në Londër
Rezultati në stadiumin e Tottenhamit është barazuar sërish.
David Hancko, mbrojtësi sllovak i Atletico Madridit, shënoi për 2:2 në minutën e 75-të.
Tottenhami tani është në prag të eliminimit.
Edhe një tjetër gol nga Bayern Munichu
Bayern Munichu e ka shënuar edhe golin e katërt në “Allianz Arena”.
Për 4:0 në minutën e 70-të realizoi sulmuesi Luis Diaz.
Ai u asistua nga i riu Lennart Karl, që e shënoi golin e tretë, po me asistim të Diazit.
Salah shënon supergol
Mohamed Salah ka shënuar supergol për Liverpoolin që po fiton 4:0.
Salah realizoi në minutën e 62-të me gjuajtje të përkryer nga distanca.
Start i fuqishëm në pjesën e dytë nga Bayern Munichu
Bayern Munichu e ka nisur fuqishëm pjesën e dytë dhe ka realizuar dy gola të shpejtë ndaj Atalantas, në minutën e 54-t dhe të 56-të.
Për 2:0 shënoi sërish Harry Kane, ndërsa Lennart Karl realizoi për 3:0.
Nuk ndalet Liverpooli, shënon golin e tretë
Photo: Associated Press
Liverpooli ka shënuar dy gola të shpejtë në pjesën e dytë.
Pas Hugo Ekitikes, Ryan Gravenberch shënoi për 3:0 ndaj Galatasarayt, në minutën e 53-të.
Liverpooli e shënon golin e dytë
Liverpooli e ka shënuar edhe golin e dytë ndaj skuadrës turke, Galatasaray.
Golin për 2:0 e shënoi Hugo Ekitike.
Në shënimin e tij asistoi Mohamed Salah.
Tottenhami kthen epërsinë e një goli
Tottenhami e ka kthyer epërsinë e një goli ndaj Atletico Madridit.
Në ndeshjen shumë interesante, golin për 2:1 e shënoi mesfushori holandez, Xavi Simons. Ai shënoi në minutën e 52-të.
Atletico nuk lejon befasi, barazon rezultatin
Me të nisur pjesa e dytë, Atletico Madridi ka barazuar rezultatin ndaj Tottenhamit.
Dy minuta pas pushimit, për 1:1 realizoi Julian Alvarez. Ai u asistua nga Ademola Lookman.
Liverpooli dominues, por e shënoi vetëm një gol
Photo: Associated Press
Liverpooli ishte dominues me raste në pjesën e parë, por e realizoi vetëm një gol ndaj Galatasarayt në ndeshjen kthyese të një të tetës së finales së Ligës së Kampionëve.
Ndeshja e parë ndaj Galatasarayt në Stamboll, përfundoi 1:0 në të mirë të skuadrës turke.
Për 1:0 në “Anfield” të mërkurën mbrëma realizoi Dominik Szoboszlai. Mesfushori hungarez shënoi në minutën e 25-të, me asistim të Alexis Mac Allisterit.
Szoboszlai fitoi penallti në minutën e dytë të shtesës në pjesën e parë pasi u pengua në zonë nga Ismail Jakobs. Por, nga penalltia dështoi të realizonte sulmuesi i Egjiptit, Mohamed Salah. Penalltinë e tij e priti portieri Ugurcan Çakir.
Tottenhamit i duhen edhe dy gola për ta barazuar rezultatin
Photo: Associated Press
Tottenhami u mposht 5:2 nga Atletico Madridi në “Wanda Metropolitano” në ndeshjen e parë të një të tetës së finales së Ligës së Kampionëve në javën e kaluar.
Skuadra angleze e ka zbutur disavantazhin, duke shkuar në pushim me epërsi 1:0.
I duhen edhe dy gola për ta dërguar ndeshjen në vazhdime.
Randal Kolo Muani shënoi në minutën e 30-të.
Atletico shënoi në minutën e gjashtë, por realizimi i Ademola Lookmanit u anulua për pozitë jashtë loje.
Pati protesta nga mysafirët, që pretenduan se goli ishte i rregullt.
Tottenhami me trajnerin kroat, Igor Tudor, është në krizë të thellë rezultatesh, por synon kthimin e madh në pjesën e dytë.
Bayerni me epërsi prej një goli pas pjesës së parë
Bayern Munichu fitoi thellë në Bergamo javën e kaluar ndaj Atalantas 6:1, në ndeshjen e parë të një të tetës së finales në Ligën e Kampionëve.
Bavarezët janë duke fituar 1:0 edhe në ndeshjen kthyese, dhe thuajse e kanë konfirmuar avancimin në çerekfinale.
Golin për 1:0 në minutën e 26-të e shënoi kapiteni i Anglisë, Harry Kane. Kane, që është kapiten edhe në duelin ndaj Atalantas, shënoi pas tentimit të dytë, pasi të parin e priti portieri Marco Sportiello. Por, gjyqtari e ktheu penalltinë dhe Kane nuk gaboi. Për sulmuesin anglez ishte goli i 49-të në Ligën e Kampionëve.
Tottenhami shënon gol ndaj Atletico Madridit
Tottenhami e humbi ndeshjen e parë në “Wanda Metropolitano” nga Atletico Madridi 5:2.
Por të mërkurën mbrëma në ndeshjen kthyese të një të tetës së finales, ka shënuar gol i pari.
Randal Kolo Muani shënoi në minutën e 30-të.
Atletico shënoi në minutën e gjashtë, por realizimi i Ademola Lookmanit u anulua për pozitë jashtë loje.
Pati protesta nga mysafirët, që pretenduan se goli ishte i rregullt.
Kane shënon nga penalltia, pas tentimit të dytë
Photo: Associated Press
Harry Kane ka shënuar për epërsinë 1:0 të Bayern Munichut ndaj Atalantas në “Allianz Arena”.
Kapiteni i Anglisë realizoi nga penalltia në minutën e 26-të, pas tentimit të dytë.
Tentimin e parë të Kanet e priti portieri Marco Sportiello.
Por penalltia u përsërit dhe Kane nuk gaboi.
Ndeshjen e parë, Bayerni e fitoi në Bergamo me rezultatin 6:1. Me këtë gol thuajse e konfirmoi avancimin në çerekfinale.
Liverpooli shënon në “Anfield”
Photo: Associated Press
Liverpooli ka shënuar gol për 1:0 ndaj Galatasarayt.
Hungarezi Dominik Szoboszlai shënoi për 1:0 në minutën e 25-të.
Ai realizoi me asistim të Alexis Mac Allisterit.
Ndeshjen e parë në Turqi, Liverpooli e humbi 1:0. Tani rezultati i përgjithshëm është i barabartë, 1:1.