Prishtina e Re merr pikë ndaj Llapit në “Zahir Pajaziti”
Prishtina e Re ka marrë një pikë në udhëtimin e vështirë te Llapi në stadiumin “Zahir Pajaziti”.
Ndeshja e xhiros së 13-të e Superligës së Kosovës në futboll përfundoi 1:1.
Prishtina e Re pavarësisht barazimit, mbetet e fundit me nëntë pikë pas 13 ndeshjeve të luajtura.
Llapi bie në pozitën e gjashtë me 17 pikë, aq sa ka edhe Dukagjini në vendin e pestë por me një ndeshje më pak të luajtur.
Qendërmbrojtësi Elvis Prençi shënoi për Prishtinën e Re në minutën e 13-të, pas asistimit nga Donat Hasanaj.
Prençi nuk festoi pasi për një periudhë ishte pjesë e llapjanëve.
Llapi arriti që t’i barazonte shifrat në pjesën e dytë me golin e Arianit Hasanit. Hasani shënoi në minutën e 51-të dhe e vendosi rezultatin përfundimtar.
Llapi kishte edhe disa mundësi tjera shënimi, por nuk konkretizoi, njësoj si Prishtina e Re.
Fitore e madhe e Drenicës ndaj Ballkanit
Drenica ka vazhduar me rezultate pozitive me trajnerin Bylbyl Sokoli dhe të shtunën ka shënuar fitore të madhe.
Në stadiumin “Bajram Aliu” në Skenderaj në xhiron e 13-të të Superligës së Kosovës në futboll, Drenica fitoi 2:0 ndaj Ballkanit. Ballkani që është prej kandidatëve për titull kampioni, e pësoi humbjen e parë pas një muaji. Humbjen e fundit, Ballkani e kishte pësuar më 4 tetor nga Prishtina në “Fadil Vokrri”.
Ndërkohë, për Drenicën që kishte ecuri prej katër humbjeve të njëpasnjëshme, ishte fitorja e dytë në tri ndeshjet e fundit. Përveç Ballkanit, Drenica e mposhti edhe Dritën, teksa barazoi me Prishtinën e Re.
Udoyen Akpan në minutën e 56-të shënoi për 1:0, ndërsa golin e dytë e realizoi Kreshnik Uka, në minutën e 63-të.
Në të dyja golat asistues ishte Indrit Prodani.
Drenica ngjitet përkohësisht në pozitën e katërt me 18 pikë, një më shumë se Dukagjini dhe Llapi. Dukagjini e ka një ndeshje më pak të luajtur dhe zë vendin e pestë, ndërsa Llapi është i gjashti.
Ballkani mbetet me 23 pikë dhe nuk e shfrytëzoi mundësinë për të dalë në krye të tabelës me pikë të njëjta me Prishtinën. Prishtina e para ka 26 pikë. Në këtë fundjavë, Prishtina nuk do ta zhvillojë derbin me Dritën, për shkak se dy futbollistë të Dritës kanë marrë ftesë nga përfaqësueset. Portieri Faton Maloku u ftua nga Kosova, kurse Salifu Ibrahim nga Benini.
Drenica shënon tjetër gol
Drenica ka shënuar tjetër gol ndaj Ballkanit.
Kreshnik Uka shënoi për 2:0 në minutën e 63-të. Edhe në golin e dytë asistues ishte Indrit Prodani.
Goli u pranua pas konfirmimit të VAR-it, pasi pretendohej për faull.
Drenica në epërsi ndaj Ballkanit
Drenica ka kaluar në epërsi ndaj Ballkanit, në ndeshjen që po luhet në stadiumin “Bajram Aliu” në Skenderaj dhe i takon xhiros së 13-të.
Udoyen Akpan shënoi për 1:0 nga afërsia, pas asistimit të bukur të Indrit Prodanit.
Akpan nga afërsia shënoi me gjuajtje të saktë e të fuqishme në minutën e 56-të.
Llapi barazon rezultatin
Llapi e ka barazuar rezultatin në duelin ndaj Prishtinës së Re.
Futbollisti i talentuar, Arianit Hasani, ka shënuar gol për 1:1, në minutën e 51-të.
Drenica e Ballkani po barazojnë në “Bajram Aliu”
Drenica dhe Ballkani po barazojnë në ndeshjen e xhiros së 13-të të Superligës së Kosovës në futboll.
Pjesa e parë e duelit që po luhet në stadiumin “Bajram Aliu” në Skenderaj, është mbyllur 0:0.
Skuadrat në pjesën e parë janë treguar të kujdesshme në fazën defensive, dhe kanë tentuar daljen para nëpërmjet kundërsulmeve.
Prishtina e Re në epërsi ndaj Llapit pas pjesës së parë
Prishtina e Re është duke fituar pas pjesës së parë ndaj Llapit në kuadër të xhiros së 13-të të Superligës së Kosovës në futboll.
Golin për 1:0 për Prishtinën e Re e realizoi ish-qendërmbrojtësi i Llapit, Elvis Prençi, në minutën e 14-të. Ai u asistua nga Donat Hasanaj.
Prishtinës së Re iu anulua edhe një gol në fundin e pjesës së parë. Gjatë ndërtimit të aksionit ishte shkaktuar faull.
Llapi mundësinë më të mirë në pjesën e parë e pati me Hasan Hysenin i cili e qëlloi shtyllën pingule me gjuajtje të fuqishme nga distanca.
Befasi në “Zahir Pajaziti”
Prishtina e Re ka kaluar në epërsi ndaj Llapit në ndeshjen e xhiros së 13-të të Superligës së Kosovës në futboll.
Ndeshjen që po luhet në stadiumin “Zahir Pajaziti” në Podujevë, është duke e fituar 1:0 Prishtina e Re.
Gol në minutën 14-të shënoi ish-qendërmbrojtësi i Llapit, Elvis Prençi. Ai shënoi me kokë pas harkimit nga goditja e dënimit.