Manchester Unitedi është ndalur në barazim nga Bournemouthi, në ndeshjen dramatike të xhiros së 31-të të Premier Leagues.
Ballafaqimi i zhvilluar të premten mbrëma u mbyll 2:2.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë pjesën e dytë u panë të katër golat e shënuar, dhe një karton i kuq.
Bruno Fernandes fillimisht e kaloi në epërsi Unitedin me gol nga penalltia në minutën e 61-të.
Ryan Christie i barazoi shifrat gjashtë minuta më vonë.
“Djajtë e kuq” sërish kaluan në epërsi me autogolin e James Hillit në minutën e 71-të. Por, sërish nuk e ruajti rezultatin.
Harry Maguire shkaktoi penallti në minutën e 78-të dhe u përjashtua me të kuq.
Rastin për 2:2 nuk e shpërdoroi Eli Junior Kroupi, që shënoi për rezultatin përfundimtar të ndeshjes.
Manchester Unitedi mbetet në pozitën e tretë me 55 pikë, katër më shumë se Aston Villa që zë vendin e katërt.
Bournemouthi në mesin e tabelës i ka 42 pikë, sa ka edhe Newcastle në vendin e nëntë, me një ndeshje më pak të luajtur.