Ylli francez i futbollit, Kylian Mbappe, ka shënuar tjetër gol për Real Madridin. Ai shënoi golin e fitores për madrilenët të dielën mbrëma në ndeshjen kundër Getafes.
Mbappe golin që ia siguroi fitoren dhe vendin e parë Realit në La Liga, e shënoi në minutën e 80-të.
Ndeshja Getafe – Real Madrid i takoi javës së nëntë të elitës së futbollit spanjoll.
Për sulmuesin francez ishte goli i dhjetë nga nëntë ndeshje të luajtura për Realin në La Liga.
Getafe e mbylli ndeshjen me dy lojtarë më pak në fushë. Në minutën e 77-të me karton të kuq u përjashtua Allan Nyom, kurse në minutën e 84-t Alex Sancris.
Reali zë vendin e parë me 24 pikë. Ka dy pikë më shumë se Barcelona që bie në vendin e dytë.
Getafe është në vendin e 12-të me 11 pikë.
LE BUUUT DE KYLIAN MBAPPÉ POUR SAUVER LE REAL MADRID
AZY LE DUO AVEC ARDA GÜLER C’EST N’IMPORTE QUOI pic.twitter.com/4KQiZeRRzG— Kenpachi (@Kenpachi1070) October 19, 2025